مربى بلح ♡
الطريقة :
بلح الكمية يلي حابة تعمليها انا عملت 3 كيلو تقريبا وانتبهي يكون مش مرطب بالمرة ..
اول شي بتقشري البلح بتكحتيه كحت لحد ماتروح القشرة خالص من كل المناطق .. (خلي قشر البلح عجنب وحطيه بشاش ناعم وهنحطه مع البلح لحد مايغلي مشان يعطي لون حلو بعدين نشيله )
بعدها بمحفرة الكوسا بتشيلي النواة (اضغطي عليه من تحت لتطلع النواه من فوق وممكن بالسكين تفتحيه شوي من فوق ليسهل عليكي ) ..
بعدها بتحشيه لوز وعين جمل مكان النواة ..
وهلا بتضيفي السكر ع قد البلح سكر بعني كيلو بلح كيلو سكر .. 3 كيلو بتاخد 3 كيلو وهكذا
وانا حركته منيح بالسكر ونقعته بدون ولا نقطة مي وتركته لتاني يوم الصبح بيكون البلح نزل عسله وداب شوي حسيت افضل من انه اسلقه
ملاحظة : ممكن تقشريه بعدين تسلقيه شوي وبعدها بيسهل عليكي تشيلي النواه وتكنلي شغل بنفس اليوم عطول .. بس انا شلتها بدون سلق فضلت انقعه
بعدها حطي البلح بطنجرة وحطي مي وعودين قرفة و ورق غار وقرنفل وعصرتين ليمون والشاش يلي فيه قشر البلح حطي مي ع قد ما يغطيه وضل حركي كل 10 د بحركة خفيفة مشان ما يطلع اللوز من جواته وحاولي المغرفة ماييجي عليها مي بتاتا او انه تدوقي او اي شي خارجي مشان ما يخرب معك
خليه يغلي غلوتين بعدين شيلي شاش القشر وضلي حركي لحد مايعقد معك وتحسيه سلر سائل تقيل متل قوام المربى
طبعا بتستني عليه لحد مايبرد تمامااا وبتحطيه في مرطبانات مافيها ولا قطرة مي وبتحفظيه بالثلاجة او برة
ليست هناك تعليقات:
إرسال تعليق